Gjenerali amerikan në pension, Wesley Clark, gjatë dëshmisë së tij në Hagë deklaroi se Ushtria Çlirimtare e Kosovës nuk posedonte një strukturë të mirëfilltë komanduese dhe kontrolluese.
Sipas tij, UÇK ishte një grup i vetorganizuar njerëzish, të motivuar për të luftuar.
Ndër të tjera, Clark theksoi se Ushtria Serbe kishte frikë nga UÇK-ja.
“Ne flasim gjithmonë për komandë dhe kontroll: komanda nënkupton autoritetin, ndërsa kontrolli mënyrën e mbikëqyrjes. Nga ajo që pamë, UÇK-ja nuk kishte asnjërën nga këto. Ne kishim disa vëzhgues në kufirin mes Shqipërisë dhe Kosovës, por as ata nuk arritën të siguronin informacione të besueshme.”
“Ishte e qartë se bëhej fjalë për një grup të motivuar luftëtarësh; herë pas here ata kapnin dikë, madje në një rast kishin kapur edhe një rus, por kjo nuk ishte diçka që më interesonte. Ata ishin thjesht njerëz të vetorganizuar,” tha Clark.
“Nuk kam pasur kurrë dyshim se ushtria serbe kishte frikë prej tyre,” përfundoi ai.
Leave a Reply