Një histori e dhimbshme nga Ferizaj që përfundoi në tragjedi
Eminja është pjesë e një familjeje nga Ferizaj, e cila në vitin 1999 emigroi në Zelandën e Re.
Babai i saj vendosi të largohej sa më larg nga vatrat e luftës, me shpresën se atje do të gjente “tokën e premtuar”. Synimi i tij ishte të qëndronte disa vite, të siguronte një jetë më të mirë dhe më pas të kthehej në vendlindje, duke marrë me vete bashkëshorten dhe fëmijët.
Por, fati kishte plane të tjera…
Në fillim, gjithçka po shkonte mirë. Familja ishte përshtatur, puna ecte dhe jeta dukej më e qetë, edhe pse malli për familjarët që kishin lënë në Kosovë nuk mungonte. E megjithatë, bindja se qëndrimi ishte i përkohshëm i ndihmonte ta përballonin mërzinë.
Pas disa vitesh, ndodhi një kthesë e papritur — ajo që as në ëndërr nuk e kishin imagjinuar.
Babai i Eminës, i punësuar si shofer në një kompani ndërtimi, pësoi një aksident trafiku teksa kthehej nga puna. Pas disa ditësh në spital, ai humbi jetën.
Kjo fatkeqësi goditi rëndë familjen pesëanëtarëshe. Fëmijët u tronditën thellë, ndërsa nëna e tyre përjetoi një krizë nervore.
Eminja, fëmija më i madh, u përball me barrën e madhe të përgjegjësisë, por në atë moshë nuk kishte as forcën dhe as mundësitë për ta mbajtur familjen.
Leave a Reply