Londrimi e tërheq Klodianin prej flokësh; a do të ketë një zarf të zi?

Një situatë e pakëndshme ka ndodhur sot në shtëpinë e Big Brother VIP Kosova, ku një kontakt fizik mes dy banorëve ka sjellë tension të menjëhershëm.

Gjatë një momenti loje ose shakaje, Londrimi ka prekur Klodianin, duke e kapur për flokë. Reagimi i Klodianit ka qenë i shpejtë dhe i prerë; ai u ngrit menjëherë dhe me ton të ashpër e pyeti: “Kujt po ia kap ti flokët ashtu?”

Situata brenda shtëpisë u rëndua brenda pak sekondash, duke e kthyer episodin në një moment të tensionuar. Më pas, Klodiani iu drejtua Vëllait të Madh: “Vëllai i madh, sot grusht, tash i kapi flokët…”, duke lënë të kuptohet se nuk është hera e parë që ai ndihet i cenuar fizikisht.

Prekje të tilla fizike zakonisht konsiderohen shkelje serioze në rregulloren e Big Brother, e cila parashikon masa të menjëhershme disiplinore. Në raste të ngjashme më herët, janë marrë madje edhe vendime për eliminim të drejtpërdrejtë.

Tani mbetet të shihet se si do të veprojë Vëllai i Madh dhe çfarë mase disiplinore, nëse ka, do të merret ndaj Londrimit, ndërkohë që publiku pret një njoftim zyrtar.